Masterstipend
Tek du ein master i rettsvitskap? Nasjonalt klageorgan for helsetenesta deler kvart år ut to masterstipend på 15 000 kroner til studentar som skal skrive masteroppgåve innan rettsområda våre.
Skal du søkje om stipend?
Send søknaden via Webcruiter.
Når er søknadsfristen?
Me har faste søknadsfristar for stipenda våre:
- Frist for å søkje om masterstipendet for vårsemesteret er 30. november.
- Frist for å søkje om masterstipendet for haustsemesteret er 30. mai.
Treng du forslag til problemstilling?
Dei største fagområda våre er erstatningsrett, forvaltningsrett, helserett, EU/EØS-rett og prosedyre. Her finn du forslag til aktuelle problemstillingar.
Utbetaling av stipend
Me utbetalar 10 000 kroner når søknaden er innvilga. Dei resterande 5 000 kronene blir utbetalt når oppgåva er fullført innan rimeleg tid og får karakteren B eller betre.
Presentasjon av masteroppgåva
Me publiserer informasjon om kven som mottek stipendet etter tildeling.
Me ynskjer at stipendmottakaren presenterer masteroppgåva til oss etter at ho er ferdig. Det kan òg bli aktuelt å publisere oppgåva på nettsida vår.
Masteroppgåver som har fått stipend
- Årsaks- og beviskravet ved skade etter anbefalte og påbudte vaksiner
- Hvordan godkjenne yrkeskvalifikasjoner fra EØS-land?