Aktuelle problemstillingar for masteroppgåver

Dei største fagområda våre er erstatningsrett, forvaltningsrett, helserett, EU/EØS-rett og prosedyre. Her er nokre forslag til aktuelle problemstillingar:

• Grunngjevingsplikta ved forvaltningsvedtak som rører ved EØS-rettslege spørsmål
  
  
• Erstatning for vaksineskader – ansvarsgrunnlaget, bevisregelen og berekning av erstatning
  
  
• Forholdet mellom den generelle utgreiingsplikta i forvaltningslova og den spesielle utgreiingsplikta i pasientskadeerstatningslova § 10. Går utgreiingsplikta etter pasientskadelova lenger enn forvaltningslova?
  
  
• Forvaltninga si rettleiings- og utgreiingsplikt i pasientskadesaker
  
  
• Kva ligg i dispensasjonsvurderinga etter § 7 i førarkortforskrifta?
  
  
• Meinerstatning i pasientskadesaker – betydningen av ny forskrift
  
  
• Om å spå framtida – berekning av erstatning for framtidig tap i personskadesaker (gjerne med ei rettspolitisk drøfting av kapitaliseringsrenta)
  
  
• Pasientskader under pandemien – erstatning for manglande smittevern, vaksineskader og utsett behandling
  
  
• Statens helsepersonellnemnd: Ein garantist for rettstryggleik, eller unødvendig byråkrati?
  
  
• Statens helsepersonellnemnd – rettslege rammer for nemndas kompetanse i klagesaker
  
  
• Tap av rekvireringsrett for vanedannande legemidlar – vilkår og forvaltningsskjønn
  
  
• Tilbakekall av autorisasjon til helsepersonell på grunn av rusmiddelmisbruk – rettstilstand og utviklingstrekk
  
  
• Tilbakekall av autorisasjon på grunn av samanblanding av rolla som helsepersonell og privatperson – kvar går grensene?
  
  
• Tilsynsmyndigheitene sine inngrep overfor helsepersonell i eit menneskerettsleg perspektiv
  
  
• Domstolane sin kompetanse ved overprøving av vedtak frå Statens helsepersonellnemnd 
  
  
• Krav i vilkårsstilling ved ny begrensa autorisasjon  

• Helsepersonellnemnda si bevisvurdering 
  
  
• Vandelskrav for driftskonsesjon til apotek 
  
  
• Pasientskadelova sitt verkeområde – tilfelle som fell utanfor og innanfor lova (for eksempel tilfelle der barnevern er involvert, hendingar på behandlingsstader som ikkje er behandling/helsehjelp)
  
  
• Infeksjonsføresegna i pasientskadelova § 2 første ledd bokstav c og vilkåret "i hovudsak skuldast pasienten si tilstand eller sjukdom"

Lista blir oppdatert fortløpande.