Silje Kristine Tollånes får masterstipendet for hausten 2025

Silje Kristine studerer rettsvitskap ved Universitetet i Tromsø. Ho har fått masterstipendet til Nasjonalt klageorgan for helsetenesta for hausten 2025.

Ho valde dette som tema for oppgåva si fordi ho er interessert i møtet mellom norsk helserett og internasjonale menneskerettar. Silje Kristine vil undersøkje kva krav Den europeiske menneskerettskonvensjonen (EMK) stiller til norsk lovgiving og bruk av reglane om administrative reaksjonar mot helsepersonell.

– Det kan vere utfordrande og tidkrevjande å forhalde seg til EMK i saksbehandlinga. Derfor meiner eg det er spesielt viktig at lovverket vårt er i tråd med konvensjonen på dette området, seier Silje Kristine.

Ho ønskjer mellom anna å analysere dei nye reglane i helsepersonelloven kapittel 11 i lys av dei såkalla Engel-kriteria i praksis frå Den europeiske menneskerettsdomstolen (EMD).

Vi gratulerer Silje Kristine med stipendet og gler oss til å lese oppgåva når ho er ferdig!